7 основни правила за здрава исхрана
1 - За добри и забележителни резултати покрај правилното и редовно вежбање неопходно е да се практикува и здрава исхрана. Најголем дел од луѓето сметаат дека здравиот начин на исхрана одзема премногу време и претставува сложен процес. Но, вистината е дека за правилна и здрава исхрана потребно е да се знаат само неколку основните правила и притоа неопходно е нивно редовно применување, односно потребно е малку знаење и многу дисциплина.
Затоа во продолжение од оваа статија ќе ги најдете основните правила за здрава исхрана (комбинација совети од професионалните фитнес тренери, бодибилдинг атлети и познатите спортски нутриционисти).
2 - Избегнувајте често консумирање на масти, јадења кои содржат преголема количина на сол и едноставни јаглехидрати (шеќери). Односно со ова треба да се елиминира скоро 90% од брзата исхрана, слатките јадења и грицки како и газираните и густи сокови. Честопати консумирањето на овие јадења дава чуство на замор и нерасположеност, наместо да обезбеди енергија на телото за извршување на секојдневните обврски.
пообилен појадок кој ќе се состои од сложени јаглехидрати и протеини за да го стартувате вашиот метаболизам и да обезбедите енергија за понатамошните активности во денот. Всушност, консумирањето на протеини е неопходно за правилен и редовен мускулен раст, додека конзумирањето на сложени јаглехидрати ќе обезбеди енергија на телото. Ваквиот појадок може да се состои од протеински шејк во комбинација со овесни снегулки, омлет во комбинација со урда и овошје и слично.
Важно што треба да се напомене овде е дека доколку се прескокне појадокот нашето тело ќе биде приморано да се сврти кон гликогенот од сопствените мускули како извор на енергија, а ова е тоа што секој активен вежбач сака да го избегне.
3 - Трудете се да јадете на секои 4 часа во текот на денот – притоа 80% од оброците треба да бидат комбинација од протеини и јаглехидрати. Било која следна комбинација претставува одличен избор за здрав и правилен оброк: туна/ориз, чисти парчина месо/компир, омлет со урда/овошје или чисто пилешко месо/тестенини.
4 - Доколку сакате да качите на маса, треба да консумирате најмалку 4 оброци. Притоа овие оброци треба да содржат повеќе калории каде ќе биде наглесен високиот внес на протеини и јаглехидрати. Доколку сакате да добиете почиста мускулна маса потребно е да се консумирате најмалку 5 оброци кои ќе содржат помалку калории и притоа потребно е да се намали високиот внес на јаглехидратите, а од друга страна треба да се задржи високиот протеински внес. Овде исто така треба да се напомене дека поголемиот дел од вкупниот дневен внес на калории треба да се консумира до 18 часот.
5 - Доколку се одлучите да грицнете нешто помеѓу два главни оброци потребно е тоа да претставува здрава ужина, а не брза храна во комбинација со газирани пијалоци. Но, никогаш не дозволувајте оваа ужина да претставува замена за некој од главните оброци (појадок, ручек или вечера). Добар и правилен избор за здрава ужина претставува: овошје или зеленчук, протеински шејк или протеинско чоколадо, порција урда или белки од јајца.
6 - Избегнувајте консумирање на поголема количина едноставни јаглехидрати (шеќери). Едноставните јаглехидрати брзо обезбедуваат енергија, но ова трае многу краток период и притоа прекумерното консумирање на шеќери може да направи хаос во нашиот метаболизам и сето ова ќе придонесе за зголемување на чуството на замор и складирање на вишокот шеќери во масти.
7 - Водата претставува една од најважните хранливи материи за нашето тело. Квалитетот на мускулните ткива, нивните перформанси и нивниот отпор кон повреди во голема мера зависи од квантитетот и квалитетот на вода што се консумира. Затоа пијте поголема количина на вода (ова особено важи за време на секој тренинг).
